წესები და პირობები
ონლაინ მაღაზია onmarket.ge წარმოადგენს შპს. „უნიტექი“-ს საკუთრებას.
გთხოვთ, ყურადღებით წაიკითხოთ წესები და პრობები სანამ დაეთანხმებით
onmarket.ge მომხმარებელს სთავაზობს კომპიუტერული, საყოფაცხოვრებო, წვრილი ტექნიკისა და უსაფრთხოების სისტემების ფართო ასორტიმენტს, საქართველოს მასშტაბით მათ ტრანსპორტირებასა და მონტაჟს.
onmarket.ge-ს პროდუქციით, მომსახურებითა და სერვისებით სარგებლობამდე ყურადღებით გაეცანით ვებგვერდის მოხმარების წესებსა და პირობებს. თუ არ ეთანხმებით აღნიშნულს დაუყოვნებლივ შეწყვიტეთ ვებგვერდით სარგებლობა.
გაითვალისწინეთ, პროდუქციის შესყიდვისას თქვენ ავტომატურად ეთანხმებით წინამდებარე ხელშეკრულებას.
- პირობებზე დათანხმებით მომხმარებელი ადასტურებს, რომ სრულად გაეცნო, აცნობიერებს და ეთანხმება ვებგვერდის მოხმარების წესებსა და პირობებს;
- მხარეები უფლებამოსილნი არიან ისარგებლონ შეთანხმებით განსაზღვრული უფლებ(ებ)ით და ვალდებულნი არიან შეასრულონ ნაკისრი ვალდებულებ(ებ)ი;
- მომხმარებელს არ აქვს უფლება მესამე პირს გადასცეს შეთანხმებით განსაზღვრული უფლება-მოვალეობები ან/და ვებგვერდის მომხმარებლის ანგარიშის პირადი მონაცემები
- onmarket.ge უფლებამოსილია, საკუთარი შეხედულებისამებრ გადააბაროს მესამე პირს შეთანხმებით მინიჭებული უფლება-მოვალეობები და უზრუნველყოს მათ მიერ შეთანხმებით გათვალისწინებული მომსახურების ან მისი ნაწილის ორგანიზება;
- ხელშეკრულებაში რაიმე სახის ცვლილების შეტანისას, onmarket.ge უფლებას იტოვებს მოგთხოვოთ პირობებზე ხელმეორედ დათანხმება;
- onmarket.ge-ს მიერ საკუთარი უფლებ(ებ)ის განხორციელების გადავადებისას, onmarket.ge უფლებამოსილია ნებისმიერ დროს მოითხოვოს საკუთარი უფლებების განხორციელება
- იმ შემთხვევებში, რომლებიც არ არის გათვალისწინებული შეთანხმებით მხარეები თანხმდებიან, იხელმძღვანელონ საქართველოს კანონმდებლობით შესაბამისად
ვებგვერდით სარგებლობისას, მომხმარებელი
- ვალდებულია ვებგვერდზე რეგისტრაციისას მოგვაწოდოს ზუსტი, მის იდენტობასთან ვალიდური ინფორმაცია და პერიოდულად განაახლოს ის საჭიროებისამებრ;
- პასუხისმგებლობას იღებს მისი ანგარიშის ავტორიზაციისას ვებგვერდზე განხორციელებულ ნებისმიერ აქტივობაზე;
- ვალდებულია არ მოახდინოს საიტზე განთავსებული კონტენტის კოპირება/გავრცელება, რადგან ის წარმოადგენს შპს „უნიტექის“ ინტელექტუალურ საკუთრებას;
- აცნობიერებს, რომ onmarket.ge უფლებამოსილია დაამუშაოს პერსონალური მონაცემები, რომელსაც ვებგვერდით სარგებლობისას პერსონალურ მონაცემთა დამუშავების და დაცვის პოლიტიკით განსაზღვრული წესით გადმოგვცემს.
პროდუქტის შეძენა
- onmarket.ge-დან პროდუქტის შეძენისთვის მომხმარებელი ვალდებულია მოახდინოს ვებგვერდზე რეგისტრაცია და ავტორიზაცია;
- ვებგვერდზე ანგარიშსწორება ხორციელდება ეროვნულ ვალუტაში;
- პროდუქტის ღირებულებას ემატება ტრანსპორტირების და გარკვეულ შემთხვევაში სამონტაჟო სერვისის ხარჯები;
- onmarket.ge იტოვებს უფლებას ნებისმიერ ეტაპზე გააუქმოს შეკვეთა ფასის ცდომილების გამოვლენისას. აღნიშნული შემთხვევის დადგომისას მომხმარებელი მიიღებს შესაბამის ინფორმაციას საკონტაქტო მობილურის ნომრის ან/და ელექტრონული ფოსტის მეშვეობით;
- პროდუქტის შეძენისას მომხმარებელი ვალდებულია დეტალურად გაეცნოს მის მახასიათებლებს და შეძენის პირობებს;
- მწარმოებელი უფლებამოსილია წინასწარი შეტყობინების გარეშე შეიტანოს ცვლილებები პროდუქტის მახასიათებლებში, დიზაინსა და საგარანტიო პირობებში, რომელზეც onmarket.ge პასუხისმგებელი არ არის.
onmarket.ge უფლებამოსილია
- მომხმარებლის წინასწარი შეტყობინების გარეშე შეიტანოს ცვლილებები წინამდებარე პირობებში;
- მომხმარებლის მხრიდან ნაკისრი ვალდებულებების დარღვევის შემთხვევაში, მასთან შეუთანხმებლად წაშალოს ან/და დაბლოკოს მომხმარებლის რეგისტრირებული ანგარიში;
- საკუთარი შეხედულებისამებრ ნებისმიერ დროს უარი განაცხადოს მომსახურების გაწევაზე;
- შეკვეთის მიღება-ჩაბარების დასადასტურებლად ადრესატს მოსთხოვოს პირადობის დამადასტურებელი დოკუმენტაციის ასლი და შეინახოს onmarket.ge -ს მიერ განსაზღვრული ვადით;
- პროდუქტის მიღება-ჩაბარების დასადასტურებლად onmarket.ge იტოვებს უფლებას ასახოს პროდუქტის გადაცემის პროცესი ფოტოს ან/და ვიდეოს სახით ჩაწერა და შეინახოს ინფორმაცია onmarket.ge -ს მიერ განსაზღვრული ვადით;
- არ გადასცეს პროდუქტი მიმღებს იმ შემთხვევაში, თუ ის უარს აცხადებს მიღება-ჩაბარებისთვის აუცილებელი პროცედურების შესრულებაზე;
- ნებისმიერ დროს საკუთარი შეხედულებისამებრ ცალმხრივად შეწყვიტოს წინამდებარე შეთანხმება;
შეკვეთის მიღება-ჩაბარება
- onmarket.ge პროდუქტის მიწოდებას მოახდენს შეკვეთის გაფორმებისას მითითებულ მისამართზე;
- შეკვეთის მიღება-ჩაბარებას ახორციელებს თავად მომხმარებელი, ან მისი თანხმობის შესაბამისად სხვა უფლებამოსილი პირი;
- პროდუქტის არაუფლებამოსილი პირის მიერ ჩაბარებით გამოწვეულ ნებისმიერ ზიანზე/ზარალზე onmarket.ge პასუხისმგებლობას არ იღებს;
- პროდუქტის ჩაბარება ხდება შეკვეთის, ან ინვოისის ნომრის დადასტურების შემდეგ, შესაბამისად მომხმარებელი ვალდებულია დაიცვას მისი უსაფრთხოება, არ დააზიანოს ან დაკარგოს;
- onmarket.ge არ არის პასუხისმგებელი შეკვეთის მიღება-ჩაბარებისას მოწოდებული ინფორმაციის/დოკუმენტ(ებ)ის ან/და ხელმოწერის ვალიდურობაზე;
- onmarket.ge შეუსაბამო ინფორმაციის/დოკუმენტ(ებ)ის ან/და ყალბი ხელმოწერის მოწოდების შემთხვევაში, არ არის პასუხისმგებელი თქვენთვის ან/და მესამე პირ(ებ)ისთვის მიყენებულ ნებისმიერ ზიანზე/ზარალზე.
შეთანხმების მოქმედების ვადა და მისი შეწყვეტა
- ვებგვერდით სარგებლობისას თქვენ ავტომატურად ეთანხმებით onmarket.ge-ს წესებსა და პირობებს;
- ხელშეკრულების მოქმედება შესაძლოა შეწყდეს მხარეთა შეთანხმებით, ან/და კანონმდებლობის ფარგლებში გათვალისწინებულ სხვა შემთხვევებში;
- შეთანხმების მოქმედების შეწყვეტის შემთხვევაში onmarket.ge უფლებამოსილია დაბლოკოს ან/და წაშალოს მომხმარებლის რეგისტრირებული ანგარიში;
მოქმედი კანონმდებლობა და დავების გადაწყვეტა
- კომპანიასა და მომხმარებელს შორის არსებული დავა უნდა გადაწყდეს მხარეთა შორის მოლაპარაკებით;
- დავის მოუგვარებლობის შემთხვევაში, მხარეები თანხმდებიან მიმართონ სასამართლოს დავის გადასაწყვეტად.