ხარისხის გარანტია

ონლაინ მაღაზიაში onmarket.ge წარმოდგენილია მხოლოდ ის პროდუქცია, რომელსაც ემსახურება ავტორიზებული სერვის ცენტრი. ფილიალები წარმოდგენილია საქართველოს დიდ ქალაქებში. 

პროდუქციის შეძენამდე, გთხოვთ, ყურადღებით გაეცნოთ საგარანტიო მომსახურების წესებსა და პირობებს:

• შპს „უნიტექი“ უფლებამოსილია მომხმარებლის წინასწარი შეტყობინების გარეშე შეიტანოს ცვლილებები წინამდებარე საგარანტიო პირობებში;
• საგარანტიო პირობები ძალაში შედის შენაძენის დადასტურების მომენტიდან; 
• საგარანტიო პერიოდი აითვლება, პროდუქტის საგარანტიო ბარათზე, ან ბრენდის საგარანტიო ტალონზე მითითებული თარიღიდან;
• საგარანტიო მომსახურების მისაღებად მომხმარებელს კონსულტაციას გაუწევს შპს „უნიტექის“ წარმომადგენელი;
• მომსახურების მისაღებად მომხმარებელმა უნდა წარმოადგინოს საგარანტიო ფურცელი, რომელიც შეიცავს პროდუქტის გაყიდვის თარიღს, მოდელის დასახელებას, მაღაზიის ბეჭედსა და ხელმოწერას;
• წუნის აღმოჩენის შემთხვევაში ნივთის შეძენიდან 2 (ორი) სამუშაო დღის განმავლობაში, პროდუქტი ექვემდებარება განხილვას, ხოლო პრეტენზიის დადასტურების შემთხვევაში შეცვლას. სერვისცენტრის მიერ ქარხნული წუნის დაფიქსირების შემდეგ ნივთი იცვლება, 2-5 (ორი-ხუთი) სამუშაო დღის განმავლობაში. სერვისცენტრში წარდგენილი ნივთი უნდა იყოს: სრული და დაუზიანებელი შეფუთვით, აქსესუარებით (არსებობის შემთხვევაში), მექანიკური დაზიანების გარეშე;
• თუ ქარხნული წუნის აღმოჩენა მოხდა ნივთის შეძენიდან 2 (ორი) დღის გასვლის შემდეგ, ნივთი ექვემდებარება შეკეთებას. შეკეთებისთვის კომპანიას აქვს 45 (ორმოცდახუთი) სამუშაო დღე. თუ ამ დროის განმავლობაში, კომპანია ვერ ახერხებს ნივთის შეკეთებას, პროდუქტი ექვემდებარება შეცვლას. (თუ ვერ მოხერხდა აღნიშნული ნივთის იდენტური მოდელით ჩანაცვლება, ნივთის ღირებულება მომხმარებლის ანგარიშზე აისახება).

საგარანტიო პირობები არ ვრცელდება პროდუქციაზე:

• საგარანტიო ვადის გასვლის შემდეგ;
• საგარანტიო ტალონის გარეშე;
• გაურკვეველი, ან საეჭვო საგარანტიო ტალონის მონაცემებით;
• სერიული ნომრის გარეშე;
• პლომბის ან/და ლუქის გარეშე. 

საგარანტიო მომსახურებას არ ექვემდებარება პროდუქცია დაზიანებით, რომელიც გამოწვეულია:

• კონსტრუქციაში თვითნებური ცვლილებით;
• მექანიკური დაზიანებით;
• ელ. ქსელის გაუმართაობით;
• დანესტიანებით;
• კოროზიით;
• თერმული ზემოქმედებით;
• ექსპლუატაციის და შენახვის წესების/პირობების დარღვევით;
• არაკომპეტენტური პირის მიერ ჩატარებული არაკვალიფიციური სარემონტო/სამონტაჟო სამუშაოებით;
• კომპიუტერული ვირუსის ან/და შეუსაბამო ფაილ(ებ)ის მიერ;

• დანიშნულების შეუსაბამო გამოყენებით.

საგარანტიო პირობები არ ვრცელდება პროდუქციის კატეგორიაზე:

• დისტანციური პულტები;
• ფილტრები, შლანგები, ნაჭრის ტომრები (კონდიციონერი, სარეცხი მანქანა, მტვერსასრუტი);
• პროგრამული უზრუნველყოფა;
• სისტემური ბლოკის კვების ბლოკი;
• კვების ელემენტი;
• მეხსიერების ბარათი;
• სადენები;
• გადამყვანები;
• სამუხტი მოწყობილობები.